پاکستان سپر لیگ (پی ایس ایل) کے 10ویں ایڈیشن کے بقیہ میچز کیلئے غیرملکی پلئیرز آج اسلام آباد سے دبئی روانہ ہوں گے۔
میڈیا رپورٹس کے مطابق پاکستان کرکٹ بورڈ (پی سی بی) کی جانب سے غیرملکی کھلاڑیوں اور آفیشلز کو دبئی منتقل کرنے کیلئے خصوصی پرواز کے انتظامات کیے گئے ہیں۔
رپورٹس میں دعویٰ کیا گیا ہے کہ پہلے مرحلے میں غیر ملکی کھلاڑی روانہ ہوں گے جس کے بعد دوسرے مرحلے میں مقامی کھلاڑی روانہ ہوں گے۔
قبل ازیں پی سی بی نے رات گئے پاک بھارت کشیدگی کے باعث ٹورنامنٹ دبئی منتقل کرنے کا اعلان کیا تھا۔
گزشتہ روز دونوں ممالک کے درمیان کشیدگی کے سبب پشاور زلمی اور کراچی کنگز کے درمیان راولپنڈی کرکٹ اسٹیڈیم شیڈول میچ کو ری شیڈول کرنے کا اعلان کیا تھا۔
واضح رہے کہ کراچی کنگز بمقابلہ پشاور زلمی، لاہور قلندرز بمقابلہ پشاور زلمی، اسلام آباد یونائیٹڈ بمقابلہ کراچی کنگز اور ملتان سلطان بمقابلہ کوئٹہ گلیڈی ایٹرز کے میچز دوبارہ ری شیڈول ہوں گے۔
اس کے علاوہ کوالیفائز، ایلیمنیٹر 1، ایلیمیٹر 2 اور فائنل کے میچز بھی دوبارہ ری شیڈول ہوں گے۔