نگران صوبائی وزیر کھیل جمال رئیسانی نے شہید سراج رئیسانی سپورٹس فیسٹیول کا افتتاح کر دیا ، سپورٹس فیسٹیول میں 17 مختلف کھیلوں کے مقابلے منعقد ہوں گے، فیسٹیول میں ایک ہزار کھلاڑی اور آفیشل حصہ لیں گے۔
سپورٹس فیسٹیول کی افتتاحی تقریب سے خطاب کرتے ہوئے نگران صوبائی وزیر کھیل جمال رئیسانی کا کہنا تھا کہ شہید سراج رئیسانی سپورٹس فیسٹیول امن کا پیغام ہے، سپورٹس نوجوانوں کیلئے مشعل راہ ہے اور کھلاڑی ہمارے سفیر ہیں۔
صوبے میں امن وامان میرے والد سمیت تمام شہداء کے مرہون منت ہے، پاکستان کی سلامتی کیلئے بہت ساری جانوں کا نذرانہ پیش کیا ہے۔