انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔انگلش پریمیئر لیگ(ای پی ایل )میں 31جنوری کو مزید 5 میچوں کا فیصلہ ہوگا۔
پہلا میچ ناٹنگھم فاریسٹ اور آرسنل کی ٹیموں کے درمیان سٹی گراؤنڈ، ناٹنگھم شائر میں کھیلا جائے گا،دوسرے میچ میں فلہم اور ایورٹن کی ٹیمیں کریون کاٹیج، لندن میں آمنے سامنے ہوں گی۔
تیسرا میچ لوٹن ٹائون اور برائٹن اینڈ ہوو البیون کی ٹیموں کے درمیان کینیل ورتھ روڈ، لوٹن میں کھیلا جائے گا،چوتھا میچ کرسٹل پیلس اور شیفیلڈ یونائیٹڈ کی ٹیموں کے درمیان سیلہرسٹ پارک، لندن میں کھیلا جائے گا ۔
31 جنوری کے پانچویں اور آخری میچ میں آسٹن ولا اور نیو کیسل یونائیٹڈ کی ٹیمیں ولا پارک، برمنگھم کے مقام پر پنجہ آزمائی کریں گی ،یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے۔
شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کے لئے کوشاں ہے۔ لیورپول کی ٹیم تاحال 48 پوائنٹس کے ساتھ ٹیبل پر ٹاپ پوزیشن پر موجود ہے۔