پاکستان ہاکی ٹیم 22 مئی کو ہالینڈ کی نیشنل ٹیم کے ساتھ میچ کھیلےگی، پولینڈ میں نیشن کپ کی تیاری کیلئے کیمپ ہالینڈ میں بھی لگایا جائےگا، ڈچ ٹیم نے پاکستان ٹیم کے ساتھ میچ کھیلنے پر آمادگی ظاہر کردی ہے۔
پی ایچ ایف ذرائع کے مطابق پاکستان ہاکی فیڈریشن نے پولینڈ میں نیشنل کپ کیلئے مضبوط پلان ترتیب دے دیا ہے، ہاکی ٹیم کا تربیتی کیمپ چند روز میں شروع ہوگا۔
ٹیم ہالینڈ روانہ ہوجائےگی جہاں وہ ہالینڈ کے ساتح میچ کے علاوہ وہاں کے کلبز کے ساتھ بھی دو سے تین پریکٹس میچز بھی کھیلےگی تاکہ کھلاڑیوں کو یورپ میں کھیلنے کا موقع ملے۔
ہالینڈ کے بعد ٹیم پولینڈ روانہ ہوگی جہاں 31 مئی سے شروع ہونے والے نیشنل کپ میں شرکت کرے گی جس میں 9 ممالک کی ٹیمیں شرکت کررہی ہیں۔
پاکستان اگر نیشنل کپ کی ٹاپ تھری ٹیموں میں جگہ بنانے میں کامیاب ہوگیا تو پاکستان ٹیم پرو ہاکی لیگ کیلئے کوالیفائی کر جائے گی، پرو لیگ کھیلنے کی وجہ سے پاکستان کی رینکنگ بہتر ہوجائےگی۔