وزیر اعلیٰ پنجاب مریم نوازنےکہا کہ ہاکی صرف کھیل نہیں، قومی فخر ہے، موجودہ ٹیم نے ماضی کی یاد تازہ کردی، ہاکی کی بہتری کے لیے نہ صرف مکمل سپورٹ فراہم کریں گے بلکہ اونرشپ بھی دیں گے۔
وزیر اعلیٰ مریم نواز سے لاہور میں اذلان شاہ ہاکی ٹورنامنٹ میں بہترین کارکردگی کا مظاہرہ کرنے والی قومی ہاکی ٹیم نے ملاقات کی۔
اس موقع پر انہوںنے کہا کہ کھلاڑیوں نے قومی کھیل میں دوبارہ جان ڈال دی ہے، امید ہے قومی ہاکی اپنا کھویا ہوا مقام حاصل کرے گی۔
کھیلوں کے فروغ کی ذمہ داری صوبائی وزیرکھیل فیصل کھوکھر کو سونپی ہے،ہاکی ٹیم کے کپتان عما د بٹ نے امید ظاہر کی کہ حکومتی تعاون سے قومی کھیل مزید بلندی حاصل کرےگا۔