چھٹی نیشنل ماس ریسلنگ چیمپئن شپ کا آغاز 3 جون سے ہو گا
چیمپئن شپ میں آرمی، واپڈا ،پولیس سمیت 22 ٹیمیں حصہ لیں گی
گوجرانوالہ (شوریٰ نیوز) چھٹی نیشنل ماس ریسلنگ چیمپئن شپ کا آغاز 3 جون سے ہو گاچیمپئن شپ میں آرمی، واپڈا ،پولیس سمیت 22 ٹیمیں حصہ لیں گی، چیمپئن شپ3 بروز ہفتہ سے گوجرانوالہ میں شروع ہو گی۔ پاکستان ماس ریسلنگ فیڈریشن کے نواب فرقان خان نے بتایا کہ چیمپئن شپ کی تیاریاں زور و شور سے جاری ہیں۔ چیمپئن شپ میں ملک بھر سے پاکستان آرمی، پاکستان واپڈا اور پاکستان پولیس سمیت 22 ٹیمیں حصہ لیں گی۔چیمپئن شپ میں شرکت کرنے والی ٹیموں کی منیجرز میٹنگ 2 جون کو ہوگی جس میں ٹورنامنٹ کے ڈراز کا اعلان اور قوانین کے بارے میں آگاہ کیا جائے گا۔چیمپئن شپ 4 جون تک جاری رہے گی۔ چیمپئن شپ میں اول آنے والے کو دس ہزار روپے ، دوئم کو ساڑھے سات ہزار روپے اور تیسرے نمبر پر آنے والے کھلاڑیوں کو پانچ ہزار روپے کی انعامی رقم دی جائے گی۔