صوبے شانچی کے علاقے میں دو افراد دیوار چین کو بھاری مشینری کی مدد سے توڑ کر قریبی علاقے میں جانے کی مسافت کم کرنے کے لیے شارٹ کٹ بنا رہے تھے۔
دیوار چین کی تعمیر تین صدی قبل مسیح میں بادشاہ چن شی ہوانگ کے دور میں بیرونی حملہ آوروں سے بچا نے کیلئے شروع ہوئی ، اس کی مجموعی لمبائی 13170 میل ہے۔
رپورٹ کے مطابق ملزمان نے تاریخی دیوار کو ناقابل تلافی نقصان پہنچایا ہے اور بھاری مشینری کی وجہ سے دیوار کا اچھا خاصا حصہ ٹوٹ گیا ہے۔
چین کے سرکاری میڈیا کی جانب سے جاری کی گئی تصاویر میں دیوار چین کا ایک حصہ ٹوٹا ہوا دکھائی دے رہا ہے اور بیچ میں سے کچا راستہ جاتا ہوا نظر آرہا ہے جس پر گاڑیوں کی آمدورفت کے آثار بھی دیکھے جاسکتے ہیں۔
دونوں ملزمان قانون نافذ کرنے والےا داروں کی تحویل میں ہیں اور اس سلسلے میں مزید تحقیقات کی جارہی ہیں۔