آسٹریلیا، امریکا، کینیڈا، فرانس، گرو نانک گوردوارہ میں بھی بھارت سے علیحدگی اور خالصتان کے قیام کا ریفرنڈم ہوچکا ہے، سکھوں کی تحریک خالصتان
امریکا، برطانیہ، کینیڈا اور دیگر ممالک میں مقیم سکھ برادری صدائے احتجاج بلند کرکے بھارت کے مکروہ چہرے کو بے نقاب کر رہی ہے۔
دنیا بھر میں سکھوں کی تنظیم خالصتان کی سرگرمیوں میں علیحدگی پسند ہردیپ سنگھ نجھر کے قتل کے بعد تیزی آئی ہے۔ اس قتل کی ذمہ داری سکھ برادری کے رہنماؤں نے بھارت کی انٹیلی جنس اداروں پر عائد کی تھی۔
آج کینیڈا کے شہر وینکوور میں خالصتان ریفرنڈم کا انعقاد کیا جا رہا ہے۔ صدر کونسل آف خالصتان ڈاکٹر بخشیش سنگ سندھو کے مطابق یہ ریفرنڈم اسی جگہ ہورہا ہے جہاں بھارت نے ہردیپ سنگھ کو قتل کروایا تھا۔
لاکھوں کی تعداد میں کینیڈین سکھ آزاد خالصتان کے لیے ووٹ دیں گے، کینیڈا کے وزیراعظم نے بھی واضح طور پر کہا ہے کہ بھارت کینیڈا کے معاملات میں مداخلت کر رہا ہے۔