بنگلا دیشی محکمہ صحت کی جانب سے جاری اعداد و شمار کے مطابق رواں سال مصدقہ کیسز کی تعداد 2 لاکھ سے زائدہوگئی ہے جب کہ اب تک ایک ہزار 6 افراد جان کی بازی ہار چکے ہیں۔
محکمہ صحت کے حکام کے مطابق بنگلادیش میں غیر معمولی مون سون سیزن، طویل عرصے تک کھڑا برساتی پانی اور گندگی کو مچھروں کی بہتات کی وجہ قرار دیا جارہا ہے
حکام ملک میں بڑھتےکیسز اور اسپتالوں میں جگہ کی کمی کی وجہ سے شدید پریشان ہیں،ڈینگی وائرس کو مون سون میں سیزنل بیماری کے طورپر جانا جاتا ہے ۔
ماحولیاتی تبدیلی کی وجہ سے سن 2000 کے بعد سے ڈینگی بخار میں مسلسل اضافہ دیکھنے میں آرہا ہے اور یہ وائرس بنگلادیش میں انتہائی خطرناک صورت اختیار کرچکا ہے۔