صیہونی حکومت نے مقبوضہ فلسطین کے محصور علاقے غزہ میں مزاحمتی تنظیموں کے جنگجوؤں سے لڑائی میں مزید 2 اہلکاروں کی ہلاکت کی تصدیق کردی۔
صیہونی میڈیا رپورٹس کے مطابق صیہونی فوج کے ترجمان نے غزہ میں زمینی آپریشن کے دوران حماس کے جنگجوؤں کے ہاتھوں مارے جانے والے مزید 2 فوجیوں کے نام جاری کیے۔
صیہونی فوج کے ترجمان کے مطابق اتوار کو غزہ میں زمینی آپریشن میں فرسٹ لیفٹیننٹ سمیت 2 اہلکار مارے گئے جس کے بعد دو دنوں میں ہلاکتوں کی تعداد 13 ہوگئی ہے جن کی سرکاری طور پر تصدیق کی گئی۔
7 اکتوبر سے غزہ جنگ میں صیہونی فوجیوں کی ہلاکتیں 383 ہوگئيں جبکہ 27 اکتوبر سے غزہ میں زمینی آپریشن شروع کرنے کے بعد سے 62 اسرائیلی فوجی مارے گئے ہیں۔
خیال رہے کہ مغربی طاقتوں کی ایما پر مقبوضہ فلسطین کے علاقے غزہ پر صیہونی جارحیت مسلسل 44 ویں روز بھی جاری ہے، اسرائیل نے اسکول، اسپتال، پناہ گزین کیمپوں اور مساجد کو بھی بمباری کا نشانہ بنایا ہے۔
صیہونی بمباری سے اب تک 13000 فلسطینی شہید ہوچکے ہیں جن میں 5500 بچے، 3500 خواتین اور 201 طبی عملے کے ارکان شامل ہیں۔