برطانوی شہری بنیامین نیدھم صیہونی فوج کی جانب سے لڑتے ہوئے غزہ میں مارا گیا۔
غیر ملکی میڈیا رپورٹس کے مطابق 19 سال کا بنیامین 8 سال کا تھا جب وہ برطانیہ سے صیہونی حکومت منتقل ہوا۔
صیہونی ڈیفنس فورس کے مطابق بنیامین نیدھم اتوار کو مارا گیا تھا اور اس کی موت کے بعد اسے سارجنٹ کے عہدے پر ترقی دے دی گئی تھی۔
دوسری جانب لیبرپارٹی کے رکن جیریمی کوربن نے پارلیمنٹ میں سوال کیا کہ کیا برطانوی فوجی بھی غزہ میں موجود ہیں؟ جس پر برطانوی وزیر نے جواب دینے سے انکار کردیا۔
اس کے علاوہ القسام بریگیڈ نے کہاکہ 24 گھنٹوں میں صیہونی فوج کی 28 گاڑیوں کو تباہ کیا، جھڑپوں میں صیہونی فوج کا جانی نقصان بھی ہوا۔
صیہونی فوج کا کہنا ہےکہ جنوبی غزہ میں زمینی کارروائی سے حماس کو نشانہ بنایا جاسکے گا، حماس جان بوجھ کر اپنے آپ کو عام شہریوں میں شامل کرتی ہے تاکہ غزہ کے لوگ حماس کے مظالم کا خمیازہ بھگتیں۔