برازیلی صدر کے غزہ میں نسل کشی کے بیان کے بعد صیہونی حکومت برازیل کشیدگی بڑھ گئی۔
غیر ملکی خبر رساں ایجنسی کے مطابق ایتھوپیامیں افریقی یونین کانفرنس سے برازیل کے صدرلولا ڈی سلوا نے خطاب کرتے ہوئےغزہ میں نسل کشی کو ہولوکاسٹ سے تشبیہ دی۔
انہوں نے کہا کہ جو کچھ غزہ میں ہو رہا ہے وہ ماضی میں کبھی بھی نہیں ہوا، تاریخ غزہ کی اس وحشیانہ جنگ کی مثال نہیں پیش کر سکتی۔
برازیلین صدر نے کہا کہ غزہ جنگ ویسی ہی ہے جیسا ہٹلر نے یہودیوں کے ساتھ کیا تھا، اس وقت غزہ میں جو کچھ ہو رہا ہے یہ نسل کشی ہے۔
برازیل کے صدر کے بیان پر اسرائیلی وزیر ارعظم نیتن یاہو برہم ہوگئے۔
عرب میڈیا کے مطابق صیہونی وزیر ارعظم نیتن یاہو نے اپنے ایک بیان میں کہا کہ برازیلین صدر کا بیان ہولوکاسٹ کو معمولی بنانا ہے،ان کا یہ بیان یہودی لوگوں پر حملہ ہے۔
تاہم برازیلین صدرکےغزہ میں نسل کشی بیان کےبعدصیہونی حکومت برازیل کشیدگی بڑھ گئی اور ایسے میں برازیل نے صیہونی حکومت سے اپنے سفیر کو واپس بُلا لیا۔
برازیلی وزارت خارجہ کے مطابق برازیل میں صیہونی سفیر کو دفتر خارجہ طلب کر کے صیہونی حکومت کے ردعمل پر احتجاج بھی کریں گے۔