امریکا ، بینر طیارہ گر کر تباہ،کمرشل پائلٹ ہلاک

ہالی ووڈ(شوریٰ نیوز) امریکا ، بینر طیارہ گر کر تباہ ہو گیاکمرشل پائلٹ ہلاک، ایک انجن والا چھوٹا طیارہ ہچکولے کھاتے ہوئے شاہراہ پر زمین بوس گیا،امریکی ریاست فلوریڈو میں ایک انجن والا چھوٹا طیارہ پُرہجوم سڑک پر گر کر تباہ ہوگیا اور جہاز میں خوف ناک آگ بھڑک اُٹھی۔فلوریڈا کے شہر ہالی ووڈ کے ایک شاپنگ مال کے نہایت قریب ایک انجن والا چھوٹا طیارہ ہچکولے کھاتے ہوئے مصروف شاہراہ پر زمین بوس گیا۔طیارے کے سڑک پر گرتے ہی اس میں آگ بھڑک اُٹھی۔ فائر بریگیڈ کے عملے نے دو گھنٹے کی محنت کے بعد آگ پر قابو پالیا۔ طیارے کے ملبے سے ایک شخص کی جلی ہوئی لاش ملی ہے جو کہ پائلٹ تھا۔ طیارہ جہاں گرا وہاں کوئی جانی نقصان نہیں ہوا۔ طیارے نے پیمبروک پائنز کے ایئرپورٹ سے پرواز بھری تھی اور کچھ ہی دوری پر گر کر تباہ ہوگیا۔ ہلاک پائلٹ کے دوست نے بتایا کہ میرے دوست کی عمر 20 سے 25 کے درمیان ہوگی جو سابق فوجی اور کمرشل پائلٹ بھی تھا۔حادثے میں ہلاک ہونے والے پائلٹ کی شناخت ظاہر نہیں کئی گئی جو آج دوسری بار بینر طیارہ اُڑانے کی مشق کررہے تھے۔