روس میں اوباما سمیت 500 امریکیوں کے داخلے پرپابندی عائد

ماسکو(شوریٰ نیوز) روس 500 امریکیوں کے ملک میں داخلے پرپابندی عائد کردی جبکہ روسی صدر پیوٹن نےکہنا ہےکہ روس کو نیچا دکھانےکی کوشش کرنے والے ممالک کے لیڈر احمق ہیں۔کاؤنسل آن انٹرنیشنل ریلیشنز کی میٹنگ سے خطاب کرتے ہوئے صدر پیوٹن نےکہا کہ روس کو درجنوں چھوٹی ریاستوں میں تقسیم کرنےکی سازش کرنے والے روسی وسائل پر قابض ہونا چاہتے ہیں۔پیوٹن نےکہا ہےکہ ان ممالک کےلیڈر احمق ہیں کیونکہ کسی بھی دباؤ کے ذریعے روس کو نیچا نہیں دکھایا جاسکتا۔ذرائع کے مطابق روس نے سابق امریکی صدر باراک اوباما اور متعدد صحافیوں سمیت 500 امریکیوں کے ملک میں داخلے پرپابندی عائد کردی۔امریکی میڈیا کے مطابق روسی پابندیوں کی فہرست میں سابق امریکی صدر باراک اوباما،امریکی میڈیاکےصحافی، متعدد امریکی سینیٹرز، سابق امریکی سفیر اور متوقع چیئرمین جوائنٹ چیفس بھی شامل ہیں۔اس حوالے سے روس کی وزارت خارجہ کی جانب سے جاری کردہ بیان میں کہا گیا ہے کہ باراک اوباما سمیت 500 امریکیوں پر ملک میں داخلے پر پابندی روس مخالف اقدامات کا ردعمل ہے۔ روسی وزارت خارجہ کا کہنا ہےکہ جو بائیڈن انتظامیہ روس پر مسلسل پابندیاں عائد کر رہی ہے، امریکا کو یہ بات بہت پہلے سمجھنی چاہیے تھی کہ ہمارے خلاف ہر حملے کا بھرپور جواب دیا جائےگا۔