امریکا کے صدر کی سیکیورٹی پر صرف خواتین کو مامور کردیا گیا
خواتین ایجنٹس صدر جو بائیڈن کو وائٹ ہاؤس سے بحفاظت کولوراڈو لے کر آئیں
کولوراڈو(شوریٰ نیوز) امریکا کے صدر کی سیکیورٹی پر صرف خواتین کو مامور کردیا گیاخواتین ایجنٹس صدر جو بائیڈن کو وائٹ ہاؤس سے بحفاظت کولوراڈو لے کر آئیں،امریکا کے صدر جو بائیڈن ریاست کولوراڈو پہنچے، جہاں انہوں نے ایئرفورس اکیڈمی کی پاسنگ آؤٹ تقریب میں شرکت کی۔امریکا کی تاریخ میں یہ پہلا موقع تھا کہ واشنگٹن سے کولوراڈو تک کے سفر میں امریکی صدر کی سیکیورٹی پر خواتین ایجنٹس مامور تھیں۔امریکا کے صدر کی سیکیورٹی کی ذمہ داری ’سیکرٹ سروس‘ کی ہے۔سیکرٹ سروس نے اپنے آفیشل ٹوئٹر اکاؤنٹ سے ان خواتین ایجنٹس کی تصاویر شیئر کیں جو صدر جو بائیڈن کو وائٹ ہاؤس سے بحفاظت کولوراڈو لے کر آئیں۔