مائیک پنس بھی ری پبلکن صدارتی امیدوار بننے کیلئے ٹرمپ کے مدمقابل
ریپبلکن صدارتی امیداروں کی فہرست میں نکی ہیلی، کرس کرسٹی اور ٹم اسکاٹ بھی شامل
واشنگٹن (شوریٰ نیوز) مائیک پنس بھی ری پبلکن صدارتی امیدوار بننے کیلئے ٹرمپ کے مدمقابل ،ریپبلکن صدارتی امیداروں کی فہرست میں نکی ہیلی، کرس کرسٹی اور ٹم اسکاٹ بھی شامل ، تفصیلات کے مطابق امریکا کے سابق نائب صدر مائیک پنس بھی ری پبلکن کا صدارتی امیدوار بننے کیلئے سابق صدر ڈونلڈ ٹرمپ کے مقابل آگئے۔مائیک پنس بھی امریکا میں 2024 کے صدارتی انتخابات کی دوڑ میں شامل ہوگئے ہیں اور انہوں نے ریپبلکن صدارتی امیدوار کیلئے کاغذات نامزدگی جمع کرا دیئے۔ٹرمپ کے مقابل ریپبلکن صدارتی امیداروں کی فہرست میں نکی ہیلی، کرس کرسٹی اور ٹم اسکاٹ بھی شامل ہیں۔ٹرمپ کے مخالفین کو خدشہ ہے کہ ٹرمپ مخالف ووٹ تقسیم ہونے سے ٹرمپ کو ری پبلکن صدارتی امیدوار کی نامزدگی حاصل کرنے میں فائدہ ہوگا۔خیال رہے کہ مائیک پنس جنوری 2017 سے جنوری 2021 تک ڈونلڈ ٹرمپ کے دور میں نائب صدر رہے۔