منی پور میں خانہ جنگی ، 24 گھنٹوں میں 9افراد ہلاک

نئی دہلی(شوریٰ نیوز)منی پور میں خانہ جنگی ، 24 گھنٹوں میں 9افراد ہلاک،امپھال میں بی جے پی کی خاتون وزیرِ صنعت کا گھر جلا دیا گیا، بھارتی ریاست منی پور میں خانہ جنگی شدت اختیار کر گئی، گزشتہ 24گھنٹوں میں پر تشدد واقعات میں خاتون سمیت 9افراد جان سے ہاتھ دھو بیٹھے ۔ امپھال میں بی جے پی کی خاتون وزیرِ صنعت کا گھر جلا دیا گیا جبکہ اب تک خانہ جنگی کے باعث سینکڑوں افراد ہلاک جبکہ ایک لاکھ سے زائد دربدر ہو چکے ہیں۔ پولیس، بی ایس ایف اور فوج کے 50 ہزار اہلکار تعینات کرنے کے باوجود مودی سرکار خانہ جنگی پر قابو پانے میں ناکام ہوچکی ہے، منی پور کی عوام نے مودی سرکار پر خانہ جنگی کو دانستہ ہوا دینے کا بھی الزام لگادیا۔عوام کاکہنا ہے کہ خانہ جنگی کا بہانہ بنا کر نریندر مودی منی پور کے قبائلی تشخص کو ختم اور انتہا پسند ہندو نظریہ مسلط کرنا چاہتا ہے اور ریاست منی پور پر اپنی گرفت مضبوط کرنا چاہتا ہے۔ ریاست منی پور میں 3مئی سے انٹرنیٹ بندش اور کرفیونافذ ہے۔