امریکا، انسانی اسمگلنگ کی روک تھام پر1 پاکستانی سمیت 8 افراد کیلئے ایوارڈ ز

نیو یارک (شوریٰ نیوز)امریکا، انسانی اسمگلنگ کی روک تھام پر1 پاکستانی سمیت 8 افراد کیلئے ایوارڈ ز ،ظہیراحمد کی کاوشوں سے ا ینٹی اسمگلنگ قوانین بنے ،متعدد گرفتاریاں اور سزائیں ہوئیں،امریکی محکمہ خارجہ نے انسانی اسمگلنگ پر سالانہ رپورٹ جاری کردی، انسانی اسمگلنگ کی روک تھام پرایک پاکستانی سمیت 8 افراد کوایوارڈ سے نوازا گیا۔انسانی اسمگلنگ کی روک تھام کیلئے نمایاں کردار ادا کرنے پر ایوارڈ پانے والے پاکستانی ظہیر احمد پولیس سروس میں ڈپٹی انسپکٹر جنرل ہیں۔ظہیر احمد، وفاقی تحقیقاتی ادارے (ایف آئی اے) کے اینٹی ہیومن اسمگلنگ یونٹ کے ڈائریکٹر بھی رہ چکےہیں۔رپورٹ میں بتایا گیا ہے کہ انسانی اسمگلنگ کی روک تھام کیلئے ظہیر احمد نے انتھک کام کیا۔ ظہیراحمد کی کاوشوں سے اینٹی ٹریفکنگ، اینٹی اسمگلنگ قوانین بنے جبکہ ان کی کوششوں سے متعدد گرفتاریاں اور سزائیں بھی ہوئیں۔ امریکا کی جانب سے انسانی اسمگلنگ کی صورتحال سے متعلق سالانہ رپورٹ جاری کی جاتی ہے، تازہ رپورٹ میں 24 ممالک کو انسانی اسمگلنگ کے حوالے سے کی گئی تین درجہ بندیوں میں نچلے درجے میں شامل کیا گیا ہے،امریکی محکمہ خارجہ کی جانب سے انسانی اسمگلنگ کی صورتحال سے متعلق جاری کی گئی رپورٹ کے تیسرے ٹیئر میں شامل ممالک میں افغانستان، چین، وینزویلا، ترکمانستان، میانمار، بیلاروس، شام، ایران اور شمالی کوریا شامل ہیں۔