چینلز ایک براڈ کاسٹ فیچر ہے جس کو سلیبریٹی اور اسپورٹس ٹیمیں اپنی اپ ڈیٹس شیئر کرنے کے لیے استعمال کرسکتے ہیں۔ یہ فیچر ایک نئے اپ ڈیٹس ٹیب پر ظاہر ہوگا جو دوستوں اور رشتہ داروں سے کی جانے والی عمومی چیٹ سے علیحدہ ہوتا ہوگا۔
میسجنگ ایپ نے جون کے ابتداء میں سب سے پہلے یہ فیچر سِنگا پور اور کولمبیا میں متعارف کرایا تھا۔ لیکن بدھ کے روز میٹا کے سربراہ مارک زکربرگ نے ایک پوسٹ میں فیچر کے عالمی سطح پر متعارف کرائے جانے کا اعلان کیا۔
عالمی سطح پر واٹس ایپ ہزاروں نئے چینلز شامل کرے گا، جن کو صارفین واٹس ایپ میں فالو کر سکیں گے۔صارفین یہ چینلز نئے اپ ڈیٹس ٹیب میں دیکھ سکیں گے۔
اس فیچر کو نیٹ فلکس جیسی کمپنیاں اپنے چینل کی صورت میں استعمال کرسکتی ہیں جس کو یک طرفہ نشریات کے ذریعے کے طور پر استعمال کیا جا سکے گا۔
چینل ہسٹری ہمیشہ کے لیے خود بخود ختم ہونے سے پہلے صرف 30 دنوں تک دستیاب ہوگی۔ ساتھ ہی ایڈمن چینل کو فالوورز کے لیے پرائیوٹ رکھنے کے لیے اسکرین شاٹ یا اپ ڈیٹ کے فارورڈ کیے جانے کو بلاک بھی کر سکیں گے۔