انسٹنٹ میسجنگ ایپلی کیشن واٹس ایپ ایک نیا فیچر متعارف کرانے جارہی ہے جس کو استعمال کرتے ہوئے صارفین گروپ چیٹس میں ایونٹس ترتیب دے سکیں گے۔
میک ریومرز کے مطابق نیا ایونٹ پلیننگ فیچر صارفین کو تقاریب، ملاقاتیں اور سماجی اجتماع براہ راست گروپ چیٹس میں ترتیب دینے کی سہولت دے گا،جب کوئی ایونٹ طے پا جائے گا تو گروپ کے تمام ممبران کو ایک نوٹیفکیشن چلا جائے گا۔
کمپنی کی جانب سے یہ فیچر مئی میں کمیونیٹیز گروپ چیٹ کے لیے جاری کر دیا گیا تھا لیکن ایپ یہ فیچر اپ تمام گروپس کے لیے متعارف کرانے جارہی ہے، اس فیچر کا اجراء شروع ہو چکا ہے اور آئندہ ہفتوں میں تمام صارفین تک یہ اپ ڈیٹ پہنچ جائے گی۔
کوئی بھی ایونٹ سیٹ کرنے کے لیے گروپ میں + کا بٹن دبائیں اور ایونٹ کے آپشن کا انتخاب کریں۔ اس طرح صارفین ایونٹ کا نام، تفصیل، شروعات کی تاریخ، جگہ اور واٹس ایپ کال لنک (وائس یا ویڈیو کال) کا انتخاب کر سکتے ہیں۔