گوگل میں نوکری حاصل کر نا کامیاب لوگوں کیلئے مشکل نہیں

کراچی (شوریٰ نیوز)گوگل میں نوکری حاصل کر نا کامیاب لوگوں کیلئے مشکل نہیںگوگل دوسری بڑی کمپنیوں کے مقابلے میں اپنے ملازمین کا زیادہ خیال رکھتا ہے،شاید آپ وہ واحد شخص نہیں جو گوگل میں کام کرنا چاہتے ہیں۔ سال بھر اس امریکی ٹیکنالوجی کمپنی کو نوکری کی لاکھوں درخواستیں وصول ہوتی ہیں۔گوگل میں نوکری کے لیے درخواست بھرنے سے سلیکشن تک کا مرحلہ کافی طویل ہو سکتا ہے۔ لیکن اس کمپنی کا بطور ملازم حصہ بننے پر کوئی بھی شخص اچھی تنخواہ کے ساتھ ساتھ کئی مراعات حاصل کرتا ہے۔گوگل کا کہنا ہے کہ وہ دوسری بڑی کمپنیوں کے مقابلے میں اپنے ملازمین کا زیادہ خیال رکھتا ہے۔مگر انٹرویو کے مرحلے تک پہنچنے سے پہلے یہ ضروری ہے کہ کسی کی سی وی کو ہیومن ریسورس یعنی ایچ آر کی ٹیم کی توجہ حاصل ہو جائے۔اس کام کے لیے گوگل کے حکام ’ایکس وائے زی فارمولا‘ استعمال کرتے ہیں جس سے آپ کو نوکری ملنے کے امکان کا تعین کیا جاتا ہے۔سی وی بنانے کی یہ تکنیک سادہ سی ہے جس میں آپ کو اپنے کیریئر کے دوران حاصل کردہ کامیابیاں نمایاں کرنی ہوتی ہیں تاکہ آپ کی سی وی زیادہ متاثر کن بن سکے۔سلیکٹرز کو آپ کی سی وی پڑھنے میں آسانی ہو، یہ دو صفحوں سے زیادہ طویل نہ ہو اور اس میں ظاہر کیا جائے کہ آپ نے دوسری کمپنیوں میں رہتے ہوئے کیا مختلف اور متاثرکن کام یا ٹاسک سرانجام دیے۔ماہرین کی رائے میں جب آپ اپنی سی وی لکھتے ہیں تو آپ کو اپنا سب سے تازہ تجربہ سی وی میں سب سے اوپر گذشتہ کمپنیوں میں تجربہ بعد میں لکھنے کی تجویز دی جاتی ہے تاکہ اس سے آپ کی پیشرفت یا ترقی کی رفتار ظاہر ہو۔ایکس وائے زی فارمولا کیا ہے؟گوگل نے اپنے ایک حالیہ بلاگ میں لکھا ہے کہ ’آپ نے کن پراجیکٹس میں کام کیا یا نگرانی کی، اسے خاص طور پر اپنی سی وی میں بیان کریں۔ جب بھی شبہ ہو تو ایکس وائے زی کی ترتیب استعمال کریں‘یہ طریقہ کار (ایکس وائی ّی) کچھ یوں بیان کیا جا سکتا ہے: آپ کی کامیابیوں کا نتیجہ۔ آپ نے کیا حاصل کیا؟ آپ اپنی کارکردگی اور کامیابی کا تعین کیسے کرتے ہیں۔ آپ نے کیا اثر برپا کیا؟ آپ نے اپنے اہداف کیسے حاصل کیے؟یہ فارمولا اس لیے مؤثر ہے کیونکہ یہ نتائج پر توجہ دیتا ہے۔ یعنی پہلے یہ بتائیں کہ آپ نے کیا کامیابی حاصل کی، پھر بتائیں کہ اسے کامیابی کیسے سمجھا جائے اور آخر میں اس تک پہنچنے کے اپنے سفر کو بیان کریں۔بھرتی کرنے والی ٹیموں کے لیے یہ معلومات قیمتی ہے کیونکہ اس سے وہ آپ کی صلاحیتیں اور تجربے سمجھ سکتے ہیں۔