فلسطین کی وزارت صحت کے بیان کے مطابق غزہ میں غاصب افواج کی بربریت میں اب تک 10 ہزار 328 فلسطینی شہید ہوچکے ہیں۔
فلسطین کی وزارت صحت نے آج جو اعداد و شمار جاری کئے ہیں ان کے مطابق غزہ پٹی پر غاصب اسرائيلی حکومت کی افواج کی وحشیانہ جارحیت میں اب تک 10328 فلسطینی شہید ہوچکے ہیں جن میں 4 ہزار 237 بچے بھی شامل ہیں۔
فلسطین کی وزارت صحت کے بیان میں کہا گیا ہے کہ غزہ پٹی میں طبی نظام پوری طرح سے درہم برہم ہوگیا ہے اور اب زخمیوں کی دیکھ بھال بھی نہیں کی جاسکتی ہے۔
فلسطین کی وزارت صحت نے اقوام متحدہ اور ریڈکراس کمیٹی سے اس سلسلے میں مدد کی درخواست کی ہے۔