شام کے ایئر ڈیفنس سسٹم نے دمشق کے مضافات پر غاصب صیہونی حکومت کے حملے کا مقابلہ کیا ہے۔
شام کی وزارت دفاع نے ایک بیان میں کہا ہے کہ آج ہفتے کی صبح غاصب اسرائيل نے مقبوضہ جولان سے دمشق کے مضافاتی علاقوں کو اپنے فضائی حملے کا نشانہ بنایا۔ لیکن شام کے ایئر ڈیفنس سسٹم نے زیادہ تر میزائلوں کو مار گرایا۔ اس بیان کے مطابق صیہونی حکومت کے فضائی حملے میں صرف مالی نقصان ہوا ہے ۔
صیہونی حکومت کی فضائی جارحیت ایسی حالت میں جاری ہے کہ جب شام کی حکومت نے بارہا اقوام متحدہ اور سلامتی کونسل کو خطوط ارسال کر کے ان حملوں کی مذمت کی ہے اور ان کی روک تھام کا مطالبہ کیا ہے۔