غزہ سے صیہونی حکومت کی زمینی افواج کے انخلا کے لیے صیہونی فوج کی تیاریوں کی خبریں موصول ہو رہی ہیں۔
صیہونی ٹی وی نے اطلاع دی ہے کہ صیہونی فوج جنگ کے دوسرے مرحلے یعنی غزہ میں زمینی کارروائی کو ختم کرکے تیسرے مرحلے میں داخل ہونے کا ارادہ رکھتی ہے۔
فارس نیوز کے مطابق صیہونی حکومت کے ٹی وی چینل کان کا کہنا ہے کہ صیہونی فوج آئندہ چند ہفتوں میں غزہ پٹی میں جنگ کے تیسرے مرحلے کے آغاز کی تیاری کر رہی ہے جس میں غزہ میں زمینی کارروائیوں کا خاتمہ بھی شامل ہے۔
کان چینل نے گمنام ذرائع کا حوالہ دیتے ہوئے لکھا ہے کہ تیسرے مرحلے میں غزہ پٹی میں زمینی کارروائیوں کا خاتمہ، فورسز کی تعداد کو کم کرنا، ریزرو فورسز کو آرام دینا وغیر شامل ہے۔ فضائی حملوں اور غزہ اور صیہونی حکومت کی سرحد پر بفر زون بنانے کی تیاری ہے۔
گزشتہ ہفتے جمعرات کو صیہونی خبر رساں ذرائع نے اعلان کیا کہ گولانی بریگیڈ یعنی صیہونی فوج کی انفنٹری بریگیڈ نے غزہ میں 70 دن کی جنگ کے بعد اس علاقے سے انخلاء کا فیصلہ کرلیا ۔
تاہم بعض صیہونی میڈیا نے دعویٰ کیا کہ گولانی بریگیڈ کی روانگی کا مقصد فورسز کو دوبارہ منظم کرنا اور مختصر مدت کے لیے آرام دینا ہے۔