صیہونی قیدیوں کے اہل خانہ نے آج پیر کو تل ابیب میں صیہونی پارلیمنٹ پر اچانک دھاوا بول دیا اور پارلیمنٹ کے اندر گھس کر ہنگامہ کیا جس کی وجہ سے پارلیمنٹ کا اجلاس روکنا پڑا۔
میڈیا رپورٹوں کے مطابق فلسطین کے استقامتی محاذ کے ہاتھوں قیدی بنائے گئے اسرائیلیوں کے خاندان والوں نے آج پیر کے روز صیہونی پارلیمنٹ کی عمارت پر اس وقت دھاوا بول دیا جب پارلیمنٹ میں اجلاس جاری تھا۔
صیہونی قیدیوں کے خاندانوں کے ایک گروپ نے صیہونی پارلیمنٹ کی عمارت پر دھاوا بول دیا اور پارلیمنٹ کے اندر گھس کر ہنگامہ کیا جس کی بنا پر پارلیمانی اجلاس کو اسی وقت روکنا پڑا۔
صیہونی قیدیوں کے اہل خانہ نے سیکورٹی حلقے کو توڑتے ہوئے پارلیمنٹ میں جاری اجلاس کو روک دیا، جو کہ مالیات کے بارے میں تھا۔ قیدیوں کے اہل خانہ سے متعلق ایک شخص نے اپنے ہاتھ میں بینر اٹھا رکھا تھا جس پر لکھا تھا "آپ یہاں بیٹھیے ہیں اور ہمارے بچے وہاں مر رہے ہیں۔”
واضح رہے کہ صیہونی قیدیوں کے اہل خانہ تل ابیب میں صیہونی وزیر اعظم نیتن یاہو کے خلاف لگاتار مظاہرے کر رہے ہیں۔ مظاہرین نیتن یاہو کی برطرفی اور انتخابات کا مطالبہ کر رہے ہیں۔ قیدیوں کے اہل خانہ کا یہ بھی کہنا ہے کہ صیہونی فوج غزہ سے نکل جائے اور قیدیوں کے تبادل کے لئے مزاحمتی فورس کی شرائط قبول کرلے۔