عراق کی اسلامی مزاحمت نے شام کے مقبوضہ علاقے جولان میں صیہونی فوج کے ٹھکانے پر حملہ کیا ہے-
عراق کی اسلامی مزاحمت نے کہا ہے کہ غزہ کے عوام کے خلاف صیہونی حکومت کے جرائم کے ردعمل ميں، مقبوضہ جولان میں صیہونی حکومت کے فوجی اڈے کو ڈرون سے نشانہ بنایا ہے۔
عراق کی اسلامی مزاحمت نے اسی طرح ہفتے کی صبح، مقبوضہ فلسطین میں واقع حیفا میں آئیل ریفائنری کو ڈرون سے نشانہ بنایا ہے۔ ابھی اس ڈرون حملے کے بارے میں مزید تفصیلات سامنے نہیں آئی ہيں۔
عراق کی اسلامی مزاحمت نے فلسطین کے مزاحمتی گروہوں کی حمایت اور غزہ میں صیہونی حکومت کے جرائم کی امریکہ کی جانب سے ہم جانبہ حمایت کے خلاف ردعمل میں عراق اور شام میں امریکی فوجی اڈوں اور اسی طرح مقبوضہ علاقوں پر متعدد بار ڈرون اور میزائل سے حملہ کیا ہے۔