دنیا کے مختلف ممالک اور شہروں میں صیہونی حکومت کے ہاتھوں ہو رہی نسل کشی کے خلاف احتجاج اور مظاہروں کا سلسلہ جاری ہے
گزشتہ روز فلسطینی عوام بالخصوص اہل غزہ کی حمایت میں سب سے وسیع مظاہرے یمن میں ہوئے جہاں دارالحکومت صنعا سمیت ملک کے مختلف صوبوں اور شہروں کے عوام دسیوں لاکھ کی تعداد میں سڑکوں پر نکلے اور انہوں نے ایک بار پھر فلسطینی عوام کے ساتھ اظہار ہمدردی و یکجہتی کیا۔
اُدھرآسٹریا کے دارالحکومت ویانا سے بھی اطلاعات ہیں کہ وہاں کے عوام نے بھی فلسطین کی حمایت میں ایک کاروان تشکیل دیا جس میں بہت سی گاڑیوں اور ٹرانسپورٹ ویہیکلوں کے ڈرائیوروں نے ہارن بجا کر غزہ میں ہو رہے فلسطینی عوام کے قتل عام کی جانب توجہ دلائی۔
کینیڈا کے شہر ٹورنٹو کے عوام نے بھی فلسطینی عوام کی حمایت میں سڑکوں پر نکل کر غزہ کے خلاف صیہونی جارحیت کی مذمت کی۔
پرتگال کے دارالحکومت لیسبن میں بھی سیکڑوں افراد نے جمع ہو کر غزہ میں فوری جنگ بندی کا مطالبہ کیا۔
پاکستان کے عوام بھی ایک بار پھر فلسطین کا پرچم ہاتھ میں لئے سڑکوں پر نکلے اور غزہ میں جاری فلسطینی عوام کی نسل کشی کو روکنے کا مطالبہ کیا۔
ایران کے دارالحکومت تہران میں بھی فلسطین کی حمایت میں مظاہرہ ہوا اور اس بار وکلا اجتماع کر کے نسل کشی کے الزام میں صیہونی حکومت کے خلاف عالمی عدالت انصاف میں دائر کیس کی حمایت کی۔
اسکے علاوہ اردن اور تونس کے عوام نے بھی مظاہرہ کر کے فلسطینیوں کے خلاف جاری صیہونی جرائم و بربریت کی مذمت کی۔