فیڈرل بورڈ آف ریونیو کے مطابق اوورسیز پاکستانیوں کیلئے پراپرٹی کی خرید و فروخت پر فرضی آمدن کا اطلاق نہیں ہوگا ۔
ایف بی آر نے پراپرٹی کی خرید و فروخت کیلئے فرضی آمدن کی شق واپس لے لی ہے۔ ایف بی آر سرکلر کے مطابق پراپرٹی کی فرضی آمدن کا اطلاق صرف مقامی شہریوں پر ہوگا۔
اوورسیز پاکستانیوں کو دیگر ٹیکسز کی ادائیگی کا ثبوت دینا ہوگا، اوورسیز پاکستانیوں کو نائیکوپ کی فوٹو کاپی کاغذات کے ساتھ دینا ہو گی۔
دوران ملازمت انتقال کرنے والے فوجی اور سرکاری ملازمین کے لواحقین پر فرضی آمدن کا اطلاق نہیں ہوگا، ایکس سروس مین اور ریٹائرڈ وفاقی و صوبائی ملازمین پر بھی فرضی آمدن کا اطلاق نہیں ہوگا۔