مہنگائی کی شرح میں بتدریج اضافے کا رجحان جاری رہا۔ایک ہفتے میں مہنگائی کی شرح میں 0.38 فیصد کا مزید اضافہ ہوا، مہنگائی بڑھنے کی مجموعی شرح منفی 1.61 فیصد ریکارڈ کی گئی، ادارہ شماریات نے ہفتہ وار بنیادوں پر مہنگائی کے اعدادوشمار جاری کردئیے۔
جاری کردہ اعداد و شمار کے مطابق ایک ہفتے میں 22 اشیاء کی قیمتوں میں اضافہ ہوا، 9 کی قیمتوں میں کمی ہوئی، زندہ مرغی 35 روپے فی کلو مہنگی ہوئی، انڈے فی درجن 15 روپے تک مہنگے ہوئے، پٹرول اور ہائی سپیڈ ڈیزل کی قیمتوں میں بھی اضافہ ہوا۔
رپورٹ کے مظابق مٹن، دودھ، لہسن، پیاز،آلو، دال مسور مہنگی ہونے والی اشیا میں شامل ہے، ٹماٹر،چینی، آٹا، دال مونگ اور گھریلو سلنڈر سستی ہونے والی اشیا میں شامل ہیں۔