غزہ کے مختلف علاقوں پر غاصب صیہونی حکومت کے حملوں کا سلسلہ شدت کے ساتھ جاری ہے۔
طبی ذرائع کا کہنا ہے کہ غزہ پٹی پر قابض اسرائیلی فوج کے آج کے جارحانہ حملوں میں اب تک ستائیس فلسطینی شہید ہو چکے ہیں۔ یہ حملہ اسرائیلی جنگی طیاروں کی جبالیہ کیمپ کے علاقے تل الزعتر میں ایک رہائشی مکان پر بمباری کے چند گھنٹے بعد ہوا ہے۔
اس حملے میں متعدد خواتین اور بچوں سمیت گيارہ شہری جاں بحق ہو گئے تھے۔ اسرائیلی حکومت نے کل جمعرات کے روز بھی ایک جارحانہ کارروائی میں جنوبی غزہ پٹی میں فلسطینی پناہ گزینوں کے کیمپ پر حملہ کیا تھا جس کے نتیجے میں تیئیس نہتے فلسطینی شہید ہو گئے تھے۔