پٹرولیم مصنوعات کی قیمتوں میں کمی سے مہنگائی میں ٹھیرائو

اشیا ئےخورونوش کی قیمتوں میں کمی کا رجحان، پیک شدہ اشیا فروخت کرنیو الی ملٹی نیشنل کمپنیاں عوام کو ریلیف دینے پر تیار نہیں، پیک شدہ آئٹمز کی قیمت جوں کی توں برقرار ہے۔

ہول سیل سطح پر چینی، آٹا، گھی تیل، چینی، دالوں اور چاول کی قیمت یومیہ بنیادوں پر کم ہونے لگی،تاہم خوردہ سطح پر منافع خوری کا رجحان برقرار ہے۔

چینی کی تھوک قیمت 128 روپے کی سطح پر آگئی، چینی کی ایکس مل قیمت 124 روپے پر آگئی، درآمدی گندم کی قیمت 95 روپے کلو پر آگئی، تاہم، آٹا مہنگا فروخت ہورہا ہے، فلور ملیں ڈھائی نمبر آٹا 131 روپے فائن 144 روپے فروخت کررہی ہیں، نئی فصل آنے سے چاول کی قیمت میں بھی نمایاں کمی آرہی ہے۔

گھی تیل کی قیمت میں بھی 40سے 50روپے کی کمی واقع ہوئی ہے، فی لیٹر پاؤچ 580سے کم ہوکر 530روپے میں فروخت ہونے لگا، کراچی میں چاول، آٹا،دالیں 10 سے70 روپے فی کلوتک سستی ہوئیں، تھوک سطح پر ایک روز میں چینی 5روپے سستی ہوئی، تاہم خوردہ سطح پر بدستور 135روپے کلو فروخت ہورہی ہے۔

چاول کرنل باسمتی اورسیلا کی قیمت میں 70 روپے فی کلو کمی ہوئی، چاول کرنل باسمتی اورسیلا کی ہول سیل قیمت 250 روپے فی کلو ہو گئی، تاہم، خوردہ سطح پر بدستور 300روپے کلو فروخت ہورہا ہے، سفید چنے کی قیمت میں 50 روپے کلوتک سفید چنے کی فی کلو قیمت 325 روپے ہو گئی۔