غزہ میں یرغمالیوں کو ڈھونڈنے کیلئے برطانیہ نے طیاروں سے جاسوسی کا اعلان کردیا۔
غزہ میں ایک ہفتے کی عارضی جنگ بندی کے بعد صیہونی فوج نے اپنے انسانیت سوز مظالم پھر شروع کر دیے جس کے بعد حماس نے غزہ میں جنگ ختم ہونے تک صیہونی حکومت سے قیدیوں کا تبادلہ روکنے کا اعلان کردیا ہے۔
حماس کے سیاسی بیورو کے نائب سربراہ صالح العروری نے کہا کہ یرغمالیوں میں اب صیہونی فوجی اور وہ مرد شامل ہیں جو صیہونی فوج میں خدمات انجام دے چکے ہیں۔
دوسری جانب صیہونی وزیر دفاع یاؤ گیلنٹ نے فلسطینی مزاحمتی تنظیم پر سیز فائد معاہدے کی خلاف ورزی کا الزام عائد کرتے ہوئے کہا کہ حماس کے پاس اب بھی 15 خواتین اور 2 بچے موجود ہیں۔
ادھر امریکی وزیر دفاع لائیڈ آسٹن نے صیہونی حکومت کو معصوم جانوں کا تحفظ یقینی بنانےکا مشورہ دیتے ہوئےکہا اس کے بغیر جنگ جیتنا ممکن نہیں۔
بتایا جارہا ہے کہ صیہونی یر غمالیوں کو ڈھونڈنے کیلئے برطانیہ بھی میدان میں آگیا ہے اور اس نے طیاروں سے جاسوسی کا اعلان کیا ہے۔