علیمہ خان کہتی ہیں کہ پنجاب کےلیے عمران خان کا فوکل پرسن عمیر نیازی ہے اور وہی اس فہرست کے ذمہ دار ہیں جو عمران خان نے ذاتی طور پر امیدواروں کےلیے منظور کی ہے۔
تمام بڑے فیصلے عمیر نیازی اور علیمہ خان نے کیے جب کہ سابق خاتون اول بشریٰ بی بی جو باقاعدگی کے ساتھ اڈیالہ جیل میں اپنے شوہر عمران خان کے ساتھ ملاقاتیں کرتی ہیں ان کا ٹکٹوں کی تقسیم میں کوئی عمل دخل نہیں ہے۔
سینئر رہنماؤں کو ٹکٹ دیتے ہوئے سینئر رہنماعمر ایوب خان، حماد اظہر ، رائے حسن، کنول شوزب اور دیگر کئی کو نظر انداز کیا گیا ہے۔
عمران خان کی بہن علیمہ خان جو کہ باقاعدگی کے ساتھ اپنے بھائی سے جیل میں ملاقاتیں کرتی رہی ہیں انہوں نے ان الزامات کو مسترد کیا ہے جو پی ٹی آئی کے رہنماؤں نےعمیرنیازی پرلگائے ہیں۔
علیمہ خان نے کہا کہ ’’ عمیرنیازی عمران خان کے پوائنٹ پرسن ہیں‘‘ وہ ایسے شخص ہیں جو فیصلوں کےلیے عمران خان کے پاس فہرستیں لے جاتے ہیں اور ہم عمران خان کے اہل خانہ ہیں اور بہت سے فیصلوں کے شاہد ہیں۔
عمران خان نے امیدواروں کی فہرستوں کی منظوری دی ہے یا ان پر اپنا تبصرہ لکھا ہے۔ چنانچہ وہ لوگ جو یہ الزامات لگارہے ہیں وہ بنیادی طور پر عمران خان کی سلیکشن کو چیلنج کر رہے ہیں۔ کسی شخص یہ سمجھنے میں زیادہ مشکل نہیں ہونا چاہیے کہ وہ ( معترضین )ایسا کیوں کر رہے ہیں۔
علیمہ خان نے کہا کہ عمیرنیازی اور گوہر خان عمران خان کے دو معتمد افراد ہیں جن کے بیرونی رابطے ہیں’’ یہی وجہ ہے کہ ہم ان پربھروسہ کرتے ہیں۔ اس کے باوجود ہم یہ یقینی بناتے ہیں کہ ان رہنما خطوط پر عملدرآمد کریں۔ ہم اپنی زندگیوں کے ساتھ ان کی حفاظت کریں گے اور کسی کو ان کی بیرونی دنیا کے ساتھ محدود رابطوں کا ایڈوانٹیج نہیں لینے دینگے۔ پی
ٹی آئی کے جہاندیدرہ رہنماؤں کاکہنا یہ ہے کہ پی ٹی آئی چند موقع پرست اور ضرورت سے زیادہ مشتاق وکلا کے حوالے کر دی گئی ہے جن کا پی ٹی آئی کے ساتھ تعلق کی کوئی تاریخ نہیں ہے اور وہ اچانک اوپر آگئے ہیں۔