عالمی عدالت انصاف صیہونی حکومت کی غزہ میں نسل کشی کے خلاف مقدمے میں جنوبی افریقہ کی درخواست پر جمعہ کو فیصلہ سنائے گی۔
عرب میڈیا کے مطابق عالمی عدالت انصاف کا کہنا ہے کہ 17 ججوں کا پینل صیہونی حکومت کے خلاف درخواست کا فیصلہ سنائے گا، عدالت کا فیصلہ صیہونی حکومت کے خلاف مقدمے کا حتمی فیصلہ نہیں ہوگا۔
عرب میڈیا کے مطابق جنوبی افریقا نے صیہونی حکومت کے خلاف عارضی اقدامات کی استدعا کی تھی، عالمی عدالت انصاف کا فیصلہ 26 جنوری جمعہ کو پاکستانی وقت کے مطابق شام 5 بجے سنایا جائے گا۔
جنوبی افریقا کی درخواست میں کہا گیا ہے کہ عدالت قرار دے صیہونی حکومت غزہ میں نسل کشی کنونشن کی خلاف ورزی کر رہا ہے، عدالت صیہونی حکومت کو غزہ میں فوجی آپریشن بند کرنے کا حکم دے۔