صیہونی فوجیوں نے رات تصدیق کی ہے کہ صیہونی فضائیہ کے شیلداگ اسپیشل یونٹ کا ڈپٹی کمانڈر یتسھار ہوفمین غزہ کی لڑائی میں مارا گیا ہے۔
اس صیہونی کمانڈر کی ہلاکت، بہت بڑا نقصان ہے۔ ہوفمین کے پاس میجر کا عہدہ تھا اور وہ شیلداگ یونٹ کا کمانڈو تھا جو شمالی غزہ میں مارا گیا ہے۔
ہوفمین غزہ کی جنگ میں فوج کے سرکردہ دستوں میں سے ایک تھا جس نے سرنگوں کے اندر لڑائی کے طریقوں کو بہتر بنایا تھا۔
صیہونی ٹی وی چینل نے بھی اعلان کیاہے کہ یہ صیہونی کمانڈر غزہ میں شفا اسپتال پر کنٹرول حاصل کرنے کے بعد اس اسپتال کی نگرانی پر مامور تھا۔
صہیونی فوج کے سرکاری اعتراف کے مطابق یہ چوتھا صیہونی افسر ہے جو بدھ کے روز غزہ کی لڑائی میں مارا گیا ہے۔