ایک صیہونی ڈرون نے جنوبی لبنان میں ایک کار کو نشانہ بنایا جس کے بعد زخمیوں کو منتقل کرنے کے لیے امدادی ٹیموں کو فوری طور پر جائے وقوعہ پر روانہ کر دیا گیا۔
لبنانی میڈیا نے بتایا ہے کہ ملک کے جنوب میں سنیچر کی دوپہر کو یکے بعد دیگرے دو دھماکوں کی آوازیں سنی گئیں۔
اس کے تھوڑی ہی دیر بعد نیوز چینل نے اطلاع دی کہ صیہونی ڈرون نے جدرا علاقے میں ایک کار کو نشانہ بنایا۔
اطلاع ملتے ہی لبنانی ریسکیو ٹیموں کو فوری طور پر جائے وقوعہ پر روانہ کر دیا گیا اور زخمیوں کو ہسپتال منتقل کر دیا گیا۔ زخمیوں کی حالت کے بارے میں کوئی تفصیلی اطلاع نہیں ہے۔
ایک صیہونی جنگی طیارے نے جنوبی لبنان کے علاقے ام التوت اور مروحین علاقوں پر حملہ کیا۔
یہ حملے ایسے وقت میں کیے گئے ہیں جب اس سے چند گھنٹے قبل مقامی لبنانی ذرائع نے اطلاع دی تھی کہ ایک صیہونی جنگی طیارے نے جنوبی لبنان کے علاقے کونین پر حملہ کیا۔
اس حملے سے قبل ایک صیہونی ڈرون نے جنوبی لبنان کے علاقے "الخیام” کے نواحی علاقوں پر حملہ کیا تھا جس کے نتیجے میں 3 شامی کسان زخمی ہوگئے تھے۔