میئر لندن صادق خان نے فلسطین میں فوری طور پر جنگ بندی کا مطالبہ کر دیا۔
صادق خان نے اپنے ایک بیان میں کہا کہ برطانوی حکومت عوامی سطح پر جنگ بندی کا مطالبہ کرے، صیہونی حکومت کو رفح پر حملہ کرنے سے روکے۔
میئر لندن نے کہا کہ رفح پر صیہونی حملہ بہت بڑا المیہ ہوگا، رفح پرحملے کی صورت میں مزید بےگناہ فلسطینیوں کی ہلاکتوں کا خدشہ ہے۔
صادق خان کا کہنا تھا کہ فلسطینی خاندانوں کو امداد فراہم کرنا پہلے سے کہیں زیادہ مشکل ہوجائےگا، صیہونی حکومت فلسطین تنازع پر برطانوی حکومت کے نقطہ نظر میں فوری تبدیلی کی ضرورت ہے۔
انہوں نے کہا کہ برطانیہ اب خود کو شہریوں کی ہلاکتوں میں ملوث رہنے کی اجازت نہیں دے سکتا، برطانیہ صیہونی حکومت کو ہتھیاروں کی فراہمی فوری طور پر بند کرے۔
واضح رہے کہ فلسطینی مزاحمتی تنظیم حماس نے غزہ میں جنگ بندی کے حوالے سے قطر اور مصر کا تجویز کردہ جنگ بندی معاہدہ قبول کرلیا۔
حماس کے بیان کے مطابق جنگ بندی کے حوالے سے گیند اب صیہونی حکومت کے کورٹ میں ہے۔