القسام بریگیڈ کا کہنا ہے کہ 4 صیہونی قیدیوں کی حفاظتی ٹیم سے رابطہ منقطع ہو گیا ہے۔
فلسطین کی اسلامی مزاحمتی تحریک حماس کی فوجی شاخ القسام بریگیڈ کے ترجمان ابو عبیدہ نے کہا کہ غزہ پٹی میں صیہونی حکومت کی حالیہ وحشیانہ بمباری کے دوران 4 صیہونی قیدیوں کی حفاظتی ٹیم سے رابطہ منقطع ہو گیا ہے۔
فارس نیوز کے مطابق تحریک حماس کے عسکری ونگ کے ترجمان نے ایک ٹیلی گرام پیغام میں کہا کہ جارحین کی طرف سے گزشتہ 10 دنوں کی وحشیانہ بمباری کے نتیجے میں، ہمارے مجاہدین کے ایک گروپ سے ہماری بات چیت کا سلسلہ ٹوٹ گیا ہے جو 4 اسرائیلیوں کی حفاظت پر مامور تھے۔ ابو عبیدہ کا کہنا تھا کہ ان قیدیوں میں ہرش گولڈ برگ پولین بھی تھا۔
اس مہینے کے آغاز میں، القسام بریگیڈ نے گولڈ برگ پولین کی ایک ویڈیو شائع کی جو ایک 23 سالہ زخمی امریکی صیہونی قیدی ہے۔
کچھ منٹوں کے اس ویڈیو میں، جبکہ دھماکے کے بعد اس کا ایک ہاتھ زخمی ہونے کی وجہ سے کٹ گیا تھا، اس نے نتن یاہو کی کابینہ سے کہا کہ تم کو اپنے آپ پر شرم آنی چاہیے کیونکہ تم نے ہزاروں دیگر شہریوں کے ساتھ ہمیں چھوڑ دیا۔
اس ویڈیو میں اس نے تل ابیب کی کابینہ سے تمام صیہونی قیدیوں کی رہائی کے لیے فوری اقدام کرنے کا مطالبہ کیا اور نتن یاہو اور ان کے وزراء سے مستعفی ہونے کی اپیل کی۔
اس صیہونی قیدی کی والدہ ریچل گولڈ برگ پولین جو اس سے قبل عالمی کیتھولک رہنما پوپ فرانسس اور امریکی صدر جو بائیڈن سے ملاقاتیں کر چکی ہیں، ان معروف شخصیات میں ایک ہیں جو صیہونی قیدیوں کی رہائی کا مطالبہ کر رہی ہیں۔