صیہونی میڈيا ذرائع نے آج پیر کو رفح سرحد پر غاصب صیہونی فوج اور مصری فوج کے درمیان فائرنگ کے تبادلے کی خبر دی ہے۔
المیادین چینل نے غاصب صیہونی حکومت کے چینل تیرہ کے حوالے سے ایک رپورٹ میں کہا ہے کہ رفح گذرگاہ پر ایک غیر معمولی واقعہ صیہونی فوج اور مصری فوج کے درمیان پیش آیا ہے-
صہیونی میڈیا کی رپورٹ کے مطابق مصری فوج کے اہلکاروں نے رفح کراسنگ کے علاقے میں صیہونی فوج پر گولیاں چلائیں جس کے بعد غاصب حکومت کے فوجیوں نے بھی وارننگ کے طور پر فائرنگ کی۔
صیہونی حکومت کے چینل تیرہ نے اس حوالے سے خبر دی ہے کہ یہ واقعہ مصر اور صیہونی حکومت کے درمیان کشیدگی کے عروج کو ظاہر کرتا ہے جس کے بہت اہم سیاسی نتائج ظاہر ہو سکتے ہیں۔