حزب اللہ نے صیہونی حکومت کے فوجی اڈے بیت ہلل پر خودکش ڈرون حملہ کیا ہے۔
حزب اللہ لبنان کا کہنا ہے کہ فلسطینی عوام کی حمایت اور لبنان پر صیہونی فوج کے حملوں کے جواب میں اس نے صیہونی حکومت کے ٹھکانوں کو خودکش ڈرون سے نشانہ بنایا ہے۔
فارس نیوز کے مطابق حزب اللہ لبنان نے آج دوپہر اعلان کیا ہے کہ تحریک نے مقبوضہ فلسطین کے شمال میں واقع صیہونی فوجی اڈے "بیت ہلل” کو کئی خودکش ڈرونز سے نشانہ بنایا ہے۔
لبنان کی اسلامی مزاحمت نے یہ بھی کہا کہ اس کارروائی میں آئرن ڈوم فائرنگ سسٹم کو نشانہ بنایا گیا اور ڈرون طیاروں نے سسٹم کے ارد گرد موجود فورسز کو بھی نشانہ بنایا۔
اس بیان کے سامنے آنے کے بعد صیہونی حکومت کے ٹی وی چینل 12 نے رپورٹ دی کہ لبنان سے داغا گیا ایک اینٹی آرمر میزائل مقبوضہ فلسطین کے شمال میں واقع قصبے "المطلہ” کے ایک مکان پر گرا۔
حزب اللہ نے یہ بھی کہا کہ اس نے "مسکاو عام” کے فوجی ہیڈ کوارٹر میں صیہونی فوج کے جاسوسی کے آلات کو تباہ کر دیا ہے۔
لبنان کی اسلامی مزاحمت نے فلسطینی عوام کی حمایت میں صیہونی فوج کے ٹھکانوں پر سیکڑوں بار حملے کیے ہیں۔
حزب اللہ نے اس بات پر زور دیا ہے کہ جب تک غزہ پٹی پر صیہونی حکومت کے حملے جاری رہیں گے تب تک اپنی کارروائیاں جاری رکھے گی۔