شام میں تقریبا تین ہزار عراقی دہشت گرد موجود ہیں،عراق

بغداد(شوریٰ نیوز) شام میں تقریبا تین ہزار عراقی دہشت گرد موجود ہیں، دہشت گردوں کی موجودگی سے جاری بحران کا کوئی راہ حل تلاش کئے جانے کی ضرورت ہے، روسی خبر رساں ایجنسی کی رپورٹ کے مطابق ان خیالات کا اظہارعراق کے وزیر خارجہ فواد حسین نے ریاض اجلاس میںکیا انہوں نے اس بات پر زور دیتے ہوئے کہ بغداد اس کیمپ کی صورت حال پر توجہ دے رہا ہے، کہا ہے کہ شام میں تقریبا تین ہزار عراقی دہشت گرد موجود ہیں ۔ انھوں نے کہا کہ شام میں دہشت گردوں کی موجودگی سے جاری بحران کا کوئی راہ حل تلاش کئے جانے کی ضرورت ہے، خاصطور سے ایسی حالت میں کہ اس صورت حال سے علاقائی و عالمی امن و سلامتی کو خطرہ لاحق ہوتا جا رہا ہے۔واضح رہے کہ بین الاقوامی اتحاد کا ریاض اجلاس جمعرات کو مختلف ممالک کے وزرائے خارجہ اور مختلف بین الاقوامی تنظیموں کے نمائندوں کی شرکت سے منعقد ہوا۔ اقوام متحدہ کی رپورٹ کے مطابق شمال مشرقی شام میں واقع الہول کیمپ میں تقریبا چھپن ہزار افراد موجود ہیں اور یہ کیمپ کرد ڈیموکریٹک فورس کے کنٹرول میں ہے جسے امریکہ کی حمایت حاصل ہے۔ اس کیمپ میں داعش کے دس ہزار بیرونی عناصر بھی موجود ہیں۔