اسلام آباد (شوریٰ نیوز) ملک میں افراط زرکی شرح میں 0.20 فیصد اضافہ، 12 ضروری اشیا کی قیمتوں میں کمی اور20 کی قیمتوں میں استحکام رہا،ملک میں افراط زرکی شرح میں گزشتہ ہفتہ کے دوران ہفتہ واربنیادوں پر0.20 فیصدکااضافہ ریکارڈکیاگیاہے۔پاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق 15 جون کوختم ہونے والے ہفتہ میں ملک میں روزمرہ استعمال کے 12 ضروری اشیا کی قیمتوں میں کمی اور20 کی قیمتوں میں استحکام رہا ،اس کے برعکس 19 اشیا کی قیمتوں میں اضافہ ہوا۔گزشتہ ہفتہ کے دوران پیاز کی قیمت میں 7.56 فیصد، کیلا 5 فیصد، انڈے 4.86 فیصد، ایل پی جی 4.14 فیصد، دال مونگ 2.04 فیصد، دال چنا 1.46 فیصد، ایک کلو بناسپتی گھی 1.36 فیصد، چکن 1.12 فیصد، سرسوں کاتیل 0.75 فیصد، 5 لیٹرکوکنگ آئل 0.44 فیصد، دال مسور0.42 فیصد اوراڑھائی کلو بناسپتی گھی کی قیمت میں 0.36 فیصدکی کمی ہوئی اس کے برعکس چینی کی قیمت میں 4.24 فیصد، آٹا1.79 فیصد، دہی 1.59 فیصد، دال ماش 1.25 فیصد، لہسن 1.15 فیصد، تازہ دودھ 1.08 فیصد اورواشنگ سوپ کی قیمت میں 1.61 فیصدکا اضافہ ہوا۔سب سے کم یعنی 17732 روپے ماہوارآمدنی رکھنے والے گروپ کیلئے قیمتوں کے حساس اشاریہ میں 0.11 فیصد کااضافہ ہوا، 17733 روپے سے لیکر22888 روپے، 22889 روپے سے لیکر29517 روپے، 29518 روپے سے لیکر44175 روپے اوراس سے زیادہ ماہوارآمدنی رکھنے والے گروپوں کیلئے قیمتوں کے حساس اشاریہ میں بالترتیب 0.11 فیصد، 0.28 فیصد، 0.29 فیصد اور0.20 فیصدکی کمی ریکارڈکی گئی۔ صارفین کیلئے قیمتوں کے حساس اشاریہ کاتعین ملک کے 17 بڑے شہروں کی 50 مارکیٹوں میں 51 ضروری اشیا کی قیمتوں میں ردوبدل کی بنیادپرکیا جاتاہے۔