پاکستان کنٹینرز ٹرمینل کیلئے یواے ای سے معاہدے کی منظوری

اسلام آباد(شوریٰ نیوز) پاکستان کنٹینرز ٹرمینل کیلئے یواے ای سے معاہدے کی منظوری،کراچی پورٹ ٹرمینلز یو اے ای کو دینے کیلئےمذاکراتی کمیٹی قائم کر دی گئی،کابینہ کی کمیٹی برائے بین الحکومتی کمرشل ٹرانزیکشنز نے پاکستان انٹرنیشنل کنٹینرز ٹرمینل کو چلانے کیلیے حکومت پاکستان اور یواے ای کی حکومت کے درمیان فریم ورک معاہدے کے مسودے کی منظوری دیدی۔کابینہ کی کمیٹی برائے بین الحکومتی کمرشل ٹرانزیکشنز کا اجلاس وفاقی وزیر خزانہ سینیٹر اسحاق ڈارکی زیرصدارت ہوا، اجلاس میں وفاقی وزیر بحری امور سید فیصل سبزواری اور دیگر نے شرکت کی۔کراچی پورٹ ٹرمینلز یو اے ای کو دینے کیلئےمذاکراتی کمیٹی قائم کمیٹی نے بین الحکومتی کمرشل ٹرانزیکشنز ایکٹ مجریہ 1922کے تحت حکومت پاکستان اور یو اے ای کی حکومت کے درمیان فریم ورک معاہدےکے مسودے کی منظوری دیدی جسے حتمی منظوری کیلئے وفاقی کابینہ کے سامنے پیش کیا جائے گا۔کمیٹی کو بتایا گیا کہ معاہدے کے بعد دونوں ممالک کے درمیان بحری امور کے شعبہ میں تعلقات کو مزید فروغ ملے گا۔