سندھ میں کسان سیڈ سبسڈی میں 2 ارب 77 کروڑ کی بے ضابطگی اوربینظیرانکم سپورٹ پروگرام کے تحت 27 ہزار266 کیسزمیں میاں بیوی دونوں کورقم دینے کا انکشاف ہوا۔
سرکاری ملازمین اور پنشنرزکی شریک حیات کو 8کروڑ90 لاکھ رقم وصول کی،مستفید ہونے والوں میں گریڈ 18سے 20کے افسران بھی شامل ہیں۔
پبلک اکاؤنٹس کمیٹی کا اجلاس چیئرمین جنیداکبر خان کی زیرصدارت ہوا۔اجلاس میں تخفیف غربت ڈویژن کے 33 پیراز میں 14 ارب روپے کی بے ضابطگیوں پربحث کی گئی۔
آڈٹ حکام نے بتایاکہ سندھ میں کسان سیڈ سبسڈی میں2ارب77کروڑکی بے ضابطگی کی سیکرٹری تخفیف غربت نے بتایاکہ یہ سندھ حکومت اور صوبائی آڈٹ کا معاملہ ہے۔چیئرمین کمیٹی نے معاملہ سندھ آڈٹ کو بھیج دیا ہے۔
بینظیرانکم سپورٹ پروگرام سے متعلق آڈٹ اعتراضات زیربحث آیا ،27 ہزار266 کیسزمیں میاں بیوی دونوں کورقم دینے کا انکشاف ہوا ہے۔
سیکرٹری بی آئی ایس پی نے مزید انکشاف کیا کہ ادارے کے پاس ریکوری کا کوئی طریقہ کارنہیں ہے۔پی اے سی نے ایک ماہ میں رپورٹ طلب کرلی اورمستفید ہونیوالے سرکاری ملازمین کے نام شائع کرنے کی ہدایت کی ہے۔