نیشنل اکنامک کونسل کا اجلاس 9 جون کو طلب کر لیا گیا، وزیر خزانہ محمد اورنگزیب بجٹ پر وزیراعظم شہباز شریف کو بریفنگ دیں گے۔
ذرائع کے مطابق نیشنل اکنامک کونسل میں آئندہ بجٹ کیلئے خدوخال کی منظوری دی جائے گی، نیشنل اکنامک کونسل آئندہ مالی سال کیلئے ترقیاتی بجٹ کی منظوری دے گی۔
ترقیاتی بجٹ اور پبلک پرائیویٹ پارٹنرشپ کے تحت شراکت داری کی منظوری ہو گی، نیشنل اکنامک کونسل 5 سالہ منصوبہ بندی کی بھی منظوری دے گی۔
ذرائع کے مطابق آئندہ مالی سال جی ڈی پی گروتھ کی منظوری دی جائے گی، زراعت کی گروتھ، صنعتی گروتھ کا ہدف رکھنے کی منظوری دی جائے گی۔
خدمات کے شعبے کا ہدف، برآمدات کا ہدف رکھنے کی منظوری دی جائے گی، درآمدات اور ترسیلات زر کا ہدف مقرر کرنے کی بھی منظوری دی جائے گی۔