یو اے ای کے قونصل جنرل بخیت عتیق الرومیتی نے کہا کہ متحدہ عرب امارات کی جانب سے اگلے 10روز میں پاکستان کو بڑے پیمانے پر سرمایہ کاری کا عمل شروع ہوجائیگا، سی پیک میں اشتراک کیلیے بھی تیار ہیں۔
یو اے ای کے قونصل خانے میں متحدہ عرب امارات کے قومی دن کے حوالے سے تقریب منعقد ہوئی، قونصل جنرل ڈاکٹر بخیت عتیق الرومیتی نے صحافیوں کے ہمراہ کیک کاٹا۔
یو اے ای پاکستان میں 20 سے 25 ارب ڈالرز کی سرمایہ کاری کریگا،پاکستان میں سرمایہ کاری کے بہت مواقع ہیں پاکستان کے لیے نیا سال بہت روشن ہوگا۔
پاکستان کہے گا تو سی پیک میں بھی اشتراک کریں گے، پاکستان میں سرمایہ کا اہم مقصد برآمدات کو بڑھانا ہے،کراچی کو برآمدات کا حب اور فری ٹریڈ زون بنایا جائے گا۔
کراچی سے سینٹرل ایشیا کے ممالک کو برآمدات کی جائے گی،پاکستان میں زرعی شعبے میں سرمایہ کاری کے بہت مواقع ہے اور یو اے ای حکومت پاکستان کے تاجروں کو سپورٹ کرنے کا مصمم ارادہ رکھتی ہے۔