نیشنل الیکٹرک پاور ریگولیٹری اتھارٹی (نیپرا) کی انکوائری کمیٹی کےاعلامیے کے مطابق تحقیقات میں بجلی کمپنیوں کی جانب سے ایوریج بل بھیجنے الیکٹرک سمیت تمام بجلی کمپنیوں کےخلاف قانونی کارروائی کا فیصلہ کرلیا۔
کمپنیوں کی جانب سے 30 دن سے زائد کی بلنگ کرنے سے لاکھوں صارفین متاثر ہوئے، خراب میٹرز بروقت تبدیل نہ کرنے سے بجلی کمپنیوں نے ایوریج بل بھیجے۔
ملتان الیکٹرک پاور کمپنی(میپکو) نے جولائی میں 57 لاکھ سے زائد صارفین کو 30 دن سے زیادہ کے بل بھیجے جبکہ اگست میں 22 لاکھ 65 ہزار 271 صارفین کو اوور بلنگ کی۔
نیپرا کی رپورٹ میں کہا گیا ہے کہ میپکو نے اگست میں 1لاکھ 38 ہزار 723صارفین کو بغیر تصویر کے بل بھیجے۔گوجرانوالہ الیکٹرک پاور کمپنی (گیپکو) نے جولائی میں 4 لاکھ 63 ہزار 360 صارفین کو 30 دن سے زائد کے بل بھیجے جبکہ اگست میں 11 لاکھ 92 ہزار 62 صارفین کو 30 دن سے زائد کی اوور بلنگ کی۔
فیصل آباد الیکٹرک سپلائی کمپنی (فیسکو) نے اگست میں 8 لاکھ 44 ہزار 58 صارفین کو ایک ماہ سےزائد کے بل بھجوائے، لاہور الیکٹرک سپلائی کمپنی(لیسکو) نے جولائی میں 6 لاکھ 85 ہزار 588 صارفین کو 30 دن سے زیادہ کے جبکہ اگست میں 6 لاکھ 50 ہزار 460 صارفین کو اوور بلنگ کی۔
لیسکو نے جولائی میں 1 لاکھ 23 ہزار 440 صارفین کو بغیر تصویر کے اور اگست میں 1 لاکھ 26 ہزار صارفین کو بغیر تصویر کے بل بھجوائے،حیدرآباد الیکٹرک سپلائی کمپنی(حیسکو) نے جولائی میں 5 لاکھ 21 ہزار 624 صارفین کو 30 دن سے زائد کے بل جبکہ اگست میں 2 لاکھ 8 ہزار 481 صارفین کو زائد دنوں کے بل بھجوائے۔
رپورٹ میں بتایا گیا ہے کہ کوئٹہ الیکٹرک سپلائی کمپنی(کیسکو)نے جولائی میں 1 لاکھ 16 ہزار 255 صارفین کو اووربلنگ کی جبکہ جولائی میں 1 لاکھ 16 ہزار 255 صارفین کو بغیر تصویر والے بل بھجوائے گئے ۔