امریکی جریدے نے پاکستان کی معاشی صورتحال پر تبصرے میں کہا ہے کہ پاکستان کے ڈیفالٹ کا خطرے ختم ہوگیا، سرمایہ کار عالمی مالیاتی فنڈ (آئی ایم ایف) سے فنڈنگ کے معاہدے کے لیے ایک نئے لیڈر کا انتظار کر رہے ہیں۔
پاکستان کا آئی ایم ایف پروگرام مارچ میں ختم ہو رہا ہے، جنوری میں ڈالر بانڈز 9 فیصد واپس آئے، گزشتہ سال پاکستان نے سرمایہ کاروں کو تقریباً 100 فیصد منافع واپس کیا، بہتر کارکردگی پاکستان کو فائدہ پہنچا سکتی ہے۔
سرمایہ کار آئی ایم ایف سے فنڈنگ کے معاہدے کے لیے ایک نئے لیڈر کا انتظار کر رہے ہیں، الیکشن کے بعد نئی حکومت آئی ایم ایف سے جاری معاہدہ ختم ہونے کے بعد نیا معاہد ہ کر سکتی ہے۔
اگلےمالی سال کے دوران پاکستان نے 25 ارب ڈالرز کے بیرونی قرضوں کی ادائیگیاں کرنی ہیں، یہ پاکستان کےغیرملکی زرمبادلہ کے ذخائر سے تقریباً 3 گنا زیادہ ہے، اگلے مالی سال کے دورا ن ادائیگیوں کا اثر زر مبادلہ کے ذخائر پر پڑے گا۔
پاکستان کے ڈیفالٹ ہونے کا خطرے ختم ہو گیا ہے، سروے کے مطابق پاکستان کی معیشت نئے بیل آؤٹ پیکج کے بغیر گرجائےگی۔