خاتون صیہونی جنگی قیدیوں کو ریڈ کراس کی تحویل میں دینے کی تصاویر میں استقامتی محاذ کے مجاہدین کے ہاتھوں میں غاصب اسرائیلی فوج کی اسپیشل فورس کی مخصوص مشین گنیں دیکھی جاسکتی ہیں جسے صیہونی حکام، فلسطین کے استقامتی محاذ کی طاقت کی نمائش قرار دے رہے ہیں-
ارنا نے فلسطین کی شہاب نیوز ایجنسی کے حوالے سے رپورٹ دی ہے کہ چار خاتون صیہونی جنگی قیدیوں کو ریڈ کراس کے حوالے کئے جانے کی کی تصاویر میں نظر آتا ہے کہ حماس کے فوجی بازو القسام بریگیڈ اور جہاد اسلامی فلسطین کے فوجی بازو سرایا القدس کے جوانوں کے ہاتھوں میں غاصب اسرائیلی فوج کی اسپیشل فورس کے مخصوص اسلحے ہیں۔
عبرانی نیوز سائٹ ” واللا” میں شائع میں ہونے والی رپورٹ میں کہا گیا ہے کہ اس بات کا امکان زیادہ ہے کہ یہ اسلحے آپریشن طوفان الاقصی کے دوران، خاص طور پر اسرائیلی فوج کی غزہ ڈیویژن کے ہیڈکوارٹر پر القسام کے جوانوں کے حملے میں ضبط کئے گئے ہیں۔