ایک صہیونی میڈیا آؤٹ لیٹ نے خبر دی ہے کہ تحریک حماس نے نئے رضاکاروں کو بھرتی کرلیا ہے اور جنگ سے پہلے کے مقابلے میں ان کی تعداد کم نہیں ہوئی ہے
صیہونی ٹی وی چینل 13 نے اطلاع دی ہے کہ تحریک حماس صیہونی حکومت کے ساتھ دوبارہ جنگ کے لیے پوری طرح تیار ہے۔
صہیونی میڈیا کے مطابق، صیہونی فوج کے بعض انٹیلی جنس افسران کا کہنا ہے کہ تحریک حماس ہزاروں نئے رضاکار بھرتی کرنے میں کامیاب ہوگئی ہے۔
اس رپورٹ کے مطابق اعداد و شمار بتاتے ہیں کہ غزہ جنگ شروع ہونے سے قبل حماس کے رضاکاروں کی تعداد تقریباً 30 ہزار تھی اور یہ تعداد کم نہیں ہوئی اور اب بھی تقریباً اتنی ہی ہے۔
اس سے قبل صیہونی ذرائع نے تسلیم کیا تھا کہ حماس نے اپنی طاقت اور صلاحیت کو مضبوط کیا ہے۔ صیہونی ریڈیو نے بھی اس حوالے سے بتایا کہ حماس شمالی غزہ میں مزاحمت کاروں کی تعداد بڑھانے میں کامیاب ہو گئی ہے اور وہ صیہونی فوجیوں کو انکے ہی غیر استعمال شدہ بموں سے نشانہ بنا رہی ہے۔